ازاي تحل مشكلة الديلفري و تحسن مبيعاتك

اكيد اتعاملت مع الديلفري قبل كدة سواء كعميل او كصاحب نشاط تجارى، و كصاحب نشاط تجارى يبقى يومياً اكيد بتواجه مشكلة الديلفري .. وبتسأل نفسك 1. ازاي أقدر أحافظ على مستوى خدمتى؟

2. و ازاى أوسع قاعدة عملائي بشكل ثابت و بمعدلات زيادة مستمرة؟

3. و ازاى أخلى تجربة الشراء لعملائي سهلة و سريعة و بسيطة على قد ما أقدر؟

و دة لأن المنافسة زادت و موفرين نفس الخدمات بيزيدوا كل يوم و اللى بيميزهم هو اسلوب وصولهم لعملائهم خصوصاً ان الديليفرى دخل كل المجالات و انتشر في جميع أنحاء العالم ويمكن بدأ يكون مرتبط بالوقت و سرعة التوصيل فى صناعة المأكولات و خصوصاً فى سلاسل المطاعم و كان الهدف هو توصيل الأكل من المتاجر أو المطاعم لحد باب بيتك وفي أسرع وقت ممكن.

و لو متابع الأحداث هتلاقى ان من حوالى سنتين بدأت شركة أوبر فى توفير خدمات التوصيل السريع للمأكولات و وفرت منفذ لكل المطاعم و اصحاب المحلات اونلاين عشان يقدروا يوصلوا لعملائهم اسهل و بشكل شبة مستمر، و المطاعم اللى انضمت لخدمات اوبر هم دلوقتى خصوصاً بعد بداية انتشار كورونا اللى قادرين يستمروا و يوفروا خدماتهم من خلال التوصيل المنزلى، فنقدر نسنتج بشكل سريع كدة ان وجودك اونلاين مبقاش شئ ترفيهي او غير أساسي بالعكس انت لازم تبقى موجود اونلاين لأنك لو مكنتش موجود اونلاين عملائك هيدوروا على بدائل لخدماتك اونلاين!

و دة هيكون بسبب تأخرك فى التحرك فى اتجاه عملائك، النهاردة اصبحت استمرارية مجال البيزنس بتاعك مرتبطة بشكل كبير جداً انك تكون بتاخد خطوات سريعة انك تكون سابق و من ضمن الخطوات دية انك تتواجد اونلاين عشان تقدر توصل لعملائك و تكسب ثقتهم وتضمن انك تنافس بشكل قوي أي منافس ليك يظهر في السوق وتكون سابق بأكثر من خطوة وقتها وانك تواكب متطلبات الوقت الحالي خاصة مع انتشار الكرونا و قلق الناس من الإحتكاك و زيارة الفروع بنفسهم.

ممكن ناخد مثال علي الكلام ده علي المطاعم والدليفري، معظم المستخدمين دلوقتي معندهومش وقت يشترو بنفسهم طلباتهم بسبب قلة الوقت اللي ما بين الشغل أو الدراسة او مابين ساعات الحظر ولو في وقت فهو محتاج حاجة سهلة سريعة يقدر يطلب كل متطلباته من عليها وتكون عنده فى سرع وقت.

خلينا نتكلم بالأرقام شوية مثلا خلال آخر سنتين زاد استخدام تطبيق الموبايل واستفاد المطاعم من ده بشكل كبير أوي معظم المطاعم اللى عندهم تطبيق موبايل بيقدروا يوصلو الاكل من خلاله وفي أسرع وقت وأقل تكاليف ممكنة، وفقا لتقارير سنة 2018 و 2019 تم تصنيف تطبيقات توصيل الاكل للبيت من أكتر الاعمال اللي عملت ضجة كبيرة جدا في مجال التكنولوجيا أو التطبيقات عموماً.

والمستخدم بدوسة واحدة بيقدر يطلب الأكل اللي محتاجه و بأقل مجهود يذكر وبدأ ينتشر المجال ده في معظم المدن والدول وعمل على جذب أشخاص كتيرة أوي وبقا في منافسة بين كل المطاعم على تقديم أسرع وأسهل وأرخص خدمة للعميل وكل ده طبعا عمل منافسة كبيرة، والمستخدم هو المستفيد الأكبر من ده لأن دلوقتي بقا موجود اختيارات كتيرة وأسعار مختلفة يقدر يختار منها.

وفي تقرير من موقع “Statista” وضح أن غالبية المطاعم اللي بيستخدموا تطبيق يوضح أسعار منتجاتهم وعروضهم وصل لاكتر من 122.739 مليون دولار في سنة 2020 ومن المتوقع انه يوصل ويستمر في زيادة بنسبة 7.5 %

وده عن طريق عمل ابلكيشن فكرته تكون قايمه على توصيل الأكل لحد باب بيتك وكل الشركات دلوقتي بيتنافسوا في تصميم وايجاد أفضل الطرق لعمل الابلكيشن.

الأبلكيشن هو نظام او تطبيق بيع الكتروني ذكي Platform بيربط بين المستخدمين، والبائعين أو مقدمي الخدمات، و عمال التوصيل عن طريق تقديم منظومة شرائية ذكية، واللي بيتم تتبعها عن طريق لوحه التحكم و خدمة الـ GPS

ليه تطبيق توصيل الأكل مفيد للمطاعم ... ؟

1- سهولة وسرعة الحجز: يقدر المستخدم يحجز ترابيزة أو يعمل اوردر بكل سهولة وفي اسرع وقت ممكن ويقدر يعرف قبل ما يجي المطعم هل في أماكن فاضية ولا مفيش ؟

بالاضافة إنه يقدر يتأكد من وجود نوع معين من الأكل أو منتج معين قبل ما يعمل أي اوردر

راحة أكتر للعميل من خلال إنه يقدر يدفع عن طريق الـ Credit Card ودي ميزة مهمة جدا جدا دلوقتي ونقطة فصل وميزة تنافسية بين العملاء وتخلي عميلك يختار مطعم أو محل معين عن محل بعينه.

2- زيادة المبيعات: التوسع في طلبات الدليفري هيعمل على زيادة المبيعات والتوسع في مجالات أكتر زي انك توسع في المحل بتاعك او مجالك وكمان ممكن تزود في المنيو بتاعتك وتقدر تعمل عروض باستمرار كل ده هيعمل على زيادة مبيعاتك بشكل كبير.

دراسات كتير اتعملت علي الموضوع ده واثبتت ان العملاء هيطلبوا أكل واوردرات أكتر من لما كانوا بياكلوا في المطعم أو المجال بتاعك وده يرجع طبعا لإن الشخص جعان فمحتاج حاجة سريعة وسهلة في الطلب خصوصا إن الشخص لو في شغله أو مش فاضي يروح المطعم.

3- قلل الزحمة: هيقلل الزحمة والضغط على المطعم وبكده الأكل يكون مظبوط والاوردارات تكون صح وكمان ده هيزود المبيعات لما عميلك يلاقي المطعم فاضي شوية فيقدر يطلب ويعمل اوردار سواء كان هيعمله اونلاين أو اوفلاين.

وده هيقلل عليك الضغط في أوقات المناسبات زي رمضان والاعياد و المواسم ... الخ

4- آراء العملاء : هتقدر من خلال التطبيق إنك تضيف تقييم وآراء العملاء في مطعمك من حيث كل حاجة، سواء كانت في نضافة المطعم نضافة المنتج نفسه تعامل الموظفين مع عميلك، خدمة العملاء، ويقدر عميلك يشوف كل ده قبل ما يطلب بحيث تزيد ثقته في المطعم أو مجالك وكل ده هيساعد على زيادة مبيعاتك وزيادة الاوردات وانتشار اسمك ويخليك سابق بخطوات عن باقي المنافسين، ويقدر عميلك يتفاعل معاك عن طريق لو في عرض معين وجبة جديدة فرع جديد هتفتتحه معلومة جديدة عن مجالك كل ده تقدر تضيفه ويكون موجود في التطبيق.

5- كريديت ولا كاش ؟: مشكلة كبيرة جدا لو اتوفرت واتحلت هتجذب عملاء ليك بشكل كبير أوي وهو إن في الابلكيشن يكون مزود بخدمة الدفع المسبق أو الـ Credit Card ودي هتديك ميزة تنافسية كبيرة جدا وهتحل مشكلة "الفكة" اللي مبتخلصش، ويقدر العميل يدفع من الكارت الخاص بيه.

6- التوسع في علامتك التجارية: هتقدر تكبر علامتك التجارية من خلاله الابلكيشن وتنتشر بشكل كبير واسمك يسمع بشكل قوي، كمان تقدر تعمل عليه اعلانات لشركات تانية وتكسب من خلاله.

7- أخطاء أقل: هتتجنب سيناريو أي خطأ في الاوردارات وأي خطأ من الموظفين، بميزة تكنولوجية أفضل ويخليك تشتغل بكل سلاسة، من المؤكد إن الاستثمار في تطبيق طلبات على الهواتف لمطعمك هو دة المستقبل.

حابين اننا نسمع منك، هل استخدمت أي تطبيق توصيل للأكل أو منتج تاني قبل كده؟ و اية رأيك فى استخدامه؟ و حليت مشكلة التوصيل لمحلك او مطعمك إزاى؟

سيبلنا تعليق ولو محتاج تنفذ فكرة زي كده اتصل بينا على sales@approcks.com 01032880927

المصدر: https://www.statista.com/outlook/374/100/online-food-delivery/worldwide